--Ads--
BAGUIO CITY – Nalidem pay a mailukat ti sektor ti turismo ti Benguet para kadagiti turista manipud iti ruar ti probinsia.
Inlawlawag ni Governor Melchor Diclas a daytoy ket gapu iti killaat a panagngato ti kaso ti COVID-19 iti sumagmamano a munisipyo ti probinsia.
Impettengna a nasken pay a masolusyonan nga umuna ti sitwasyon ti Benguet seknan iti COVID-19 sakbay a mailukat ti sektor ti turismo wenno dagiti nagduduma a pagpasyaran iti probinsia.
Kinunana a babaen iti daytoy ket malapdan ti ad-adda a panagwaras ti coronavirus nangruna kadagiti munisipyo a karaman iti Metro Baguio.
Maipalagip a naglukat ti turismo ti Itogon, La Trinidad ken Kapangan para laeng kadagiti umili dagitoy.
