--Ads--
Humihina ang turismo sa Baguio ngayong tag-init, kaya nag-aalok na ng promosyon at diskuwento ang mga hotel at negosyo upang makahikayat ng mas maraming bisita.
Ayon kay Andrew Pinero ng Hotel and Restaurant Association sa Baguio, bumaba ang occupancy mula sa karaniwang 80–90% noong weekend, sa kasalukuyang 40%. Ilang establisyimento ang pansamantalang nagsasara at hinihikayat ang empleyado na gamitin ang kanilang leave credits upang makatipid sa kuryente at manpower.
Sa Baguio Country Club, pumayag ang mga matataas na opisyal na bawasan ang kanilang sahod upang suportahan ang operasyon at mapanatili ang trabaho ng lahat. Pinero sinabing hamon pa rin sa industriya ang mga susunod na linggo ng tag-init, lalo na sa sektor ng accommodation.
