Maim-imbestigaran paylaeng ti rason ti ipupusay ti kaiyanak a maladaga idiay Tagum, City kalpasan a nasarakan nga awanan biag iti maysa a plastic bag a naikabil iti kanal.
Maibasar iti report, dagus a naiturong ti 16-anyos a nanang ti nasao nga ubing gapu iti panagpadara daytoy.
Kinuna met dagiti pamilyana nga aganak daytoyen ngem idi nakadanunda iti hospital naduktalan ti doctor a nagpasngay daytoyen.
Gapu iti daytoy, dagus a nagawid dagiti pamilyana tapno birukenda ti nasao nga ubing ngem nasarakanda nga awanan biag daytoyen.
Nupay kasta, sigun iti report immuna a nagkiddaw ti teenage mom kadagiti dadduma nga ubbing tapno dalusanda ti bathroom dagitoy gapu ta maatap a ditoy a nagpasngay wenno naganak.
Naimatangan metlaeng a naglaba daytoy ngem saanna nga impakaamo nga aganak gayam daytoy.
Kabayatanna, sigun kenni Tagum City police chief Police Lieutenant Colonel Wildemar Tiu ti panangpatay iti ubing ket maikonsiderar kas nfanticide isu’t gapuna a kasapulan a maimbestigaran daytoy.//Rose
