Impakaamo ti Russia a nangiyuswat manen ti pagilian nga Ukraine iti baro a panagatake iti Kursk region, maysa a lugar idiay Russia a manipud sadiay ket padpadasen dagiti tropa ti Russia a papanawen dagiti puersa ti Ukraine iti napalabas a lima a bulan.
Dagiti puersa ti Ukraine ket kellaat a nangipatungpal iti sorpresa a panagraut idi Agosto 6 iti nagbeddengan ti Russia ken nabalinanda a sakupen ti maysa a teritorio sadiay a mabalin a mangipaay ti Kyiv iti napateg a “bargaining chip” tapno mapagsaritaan ti kappia.
Kinuna ti defence ministry ti Russia a dagiti puersa dagitoy ket kabkabilen dagiti puersa ti Ukraine ngem sumagmamano a report manipud kadagiti Russian military bloggers ti nangisingasing a ti benneg ti Russia ket dimteng iti sidong ti nakaro a “pressure.”
Iti social media ni Andriy Yermak, dadaulo ti opisina ni Ukrainian President Volodymyr Zelenskiy, impablaakna nga adda ti nasayaat a damag manipod iti Kursk region nu sadinno, kinunana a magungun-oden ti Russia ti rumbeng a maikari a magun-odna.
Iti pay maysa a social media account, insurat met ni Andriy Kovalenko, dadaulo ti Ukraine’s official Centre Against Disinformation, a dagiti tropa ti Russia ket naraut iti nagduduma a lugar.
