DAMAG ESPESYAL – Maysa nga Australian ultramarathoner ti nangballasiw iti pagilian a Malaysia babaen laeng iti panagtarayna iti uneg ti walo nga aldaw.
Tinaray ni Natalie Dau ti nasurok 700 km manipud Kelantan (north-eastern tip of Malaysia) agingga iti Johor Bahru (southern end iti Malaysia) iti las-ud ti walo nga aldaw ken uppat a pulo ket innem (46) a minuto.
Tawen 2019 idi nagtaray ni Natalie iti kaunaan nga ultramarathon daytoy nu sadino daytoy ti rason a nagbalinanna kas 10-time champion iti nasao nga ay-ayam.
Agtartaray ni Natalie iti 85 km agingga 95 km tunggal aldaw.
Kinunana pay a kayatna nga allukoyen dagiti tattao a saanda nga agbuteng a rumwar iti boundary-da ken agtalekda a kabaelanda nga agaramid ti naisangsangayan a bambanag iti baet ti tawen dagitoy.
Maysa a rason ti panakipaset ni Natalie iti nasao a journey ket tapno makaurnong ti kwarta a mangsuporta kadagiti babbai babaen iti tay-ak ti ay-ayam.
Iti agdama ket imet ni Natalie ti rekord para iti fastest crossing of Peninsular Malaysia on foot iti female category.
