--Ads--
Impanamnama dagiti cut flower vendors nga umdas ti suplay ti sabong nga agtaud iti Cordillera iti isasangbay ti undas.
Sigun kenni Andy Colte Sr., Cut Flower Officer, 90% a suplay ti sabong iti pagilian ket agtataud iti Cordillera.
Dinakamatna a kaadoan kadagiti naimula a sabong ket ti Chrysanthemum, Anthurium ken Rosas.
Impettengna a saan met a naapektaran dagiti mulada a sabong iti napasaran a napigsa a tudo ken hailstorm idi kalman gaputa naka-green house dagitoy.
Gapu iti daytoy, kidkiddawen ti opisyal kadagiti maseknan a saanda nga ag-angkat ti sabong iti dadduma a pagilian tapno malako amin ti mulada ken saan a lumaka ti presyo.
Sigun kenni Colte, manamnama ti panagngato ti presyo ti sabong inton umay a bulan.
