--Ads--
Impasigurado ni La Trinidad, Benguet Councilor Belmer Elis iti publiko nga umdas ti suplay ti sabong manipud iti nasao a munisipyo para iti umadanin a Valentine’s Day.
Iti pannakiuman ti Bombo Radyo kenkuana, kinunana nga agtaltalinaed ti suplay dagitoy nangruna kadagiti rosas.
Gapu iti dayta, impettengna nga awan ti pagdanagan dagiti buyers dagitoy manipud kadagiti nagduduma a lugar nangruna sadiay Metro Manila.
Kabayatanna, kidkiddawenna metlaeng iti publiko nga ipatronize dagiti lokal a mula dagiti mannalon a sabong tapno makatulong kadakuada a magatang ti mula dagitoy.
