Nagbalin a sentro iti linglingay ti municipal gymnasium idiay Pinukpuk kalpasan a nagsango iti boxing ring dagiti opisial iti Barangay Limos ken Barangay Bayao para iti P500,000 a proyekto nga inkari iti lokal a gobierno.
Iti nasao nga exhibition match, naglaban da Barangay Captain Sean Awingan iti Limos ken Kagawad Lagi Dawaton iti Bayao iti maysa a friendly boxing bout a binuya dagiti umili.
Iti udina, nangabak ni Awingan isut gapuna a naipaay iti Barangay Limos ti P500,000 worth of projects manipod iti munisipyu.
Naaddaan metlaeng iti nagsina a laban iti nagbaetan iti Pinukpuk Junction at Mapaco, nu sadinno nangabak ti Pinukpuk Junction, numan pay saan a nalawag nu siasino ti nangibagi iti dua a barangay.
Maibasar iti pablaak iti Pinukpuk PIO, tinagiragsak ken kasla a piesta ti nasao a programa a napnuwan iti panagriyaw ken suporta manipod kadagiti nagbuya.
