Inyunay-unay ni Elamae Membrere, Culture Advocate sadiay Mountain Province ti umno a pannakaisuro iti panagaramat kadagiti traditional attires iti Rehiyon Cordillera kasaruno ti pannakababalaw ti viral video ti nalatak a vlogger a ni Diwata.
Iti pannakiuman ti Bombo Radyo kenkuana, kinunana a nasair met ti rikna daytoy idi nakitana ti nasao a video.
Nupay kasta, maawatanna ti inaramid ti nasao a vlogger gaputa kurang ti pannakaisuro kenkuana iti umno a panagaramat iti nasao nga attire.
Gapu iti dayta, kiddawna kadagiti vendors a mangidiaydiaya iti panagaramat iti nasao nga attires a rumbeng a suruanda dagiti custumers-da no anya ti rumbeng nga aramiden dagitoy tapno maliklikan ti kapada nga insidente.
Malaksid iti dayta, saan kuma metlaeng a rumbeng a maaramat daytoy kas ar-arkos wenno pangpictorial laeng.
Namnamaenna met a saan kuma a pagrugyan ti panagriri ti kultura no diket agkakapya ti tumunggal maysa.
Kiddawna met iti publiko a no saan nga ammo ti umno a panagaramat ket saan nga aramiden daytoy wenno nasaysayaat nga agdamag laeng kadagiti elders, ken kadagiti culture advocate.
Innayonna nga nagduduma ti kultura kadagiti nagduduma a lugar rason a nasaysayaat no agdamag.
