Nabukel ti Boxing and Kickboxing Good Governance Alliance Cup iti siudad tapno maipaayan iti exposure dagiti amature athletes ken tapno maitandudo ti saan a panagaramat iti iligal a droga.
Daytoy ti kinuna ni Christian Villareal, Commissioner iti Cordillera Martial Arts Sports club.
Iti interview ti Bombo Radyo kenkuana, kinunana a napili ti boxing ken kickboxing nga ay-ayam iti narimaan a boxing at the park inaugural first event for annual play iti People Park,Baguio City agsipudta napukawen dagitoy iti mainstream nga ay-ayam iti siudad.
Malaksid iti dayta, panggep dagitoy nga isubli manen ti boxing kas grassroots program, makapataud manen iti Baguio-borne wenno Cordilleran World Champion iti combative sports ken kayatda a maaddaanda iti local events malaksid dagiti maipatpatungpal babaen iti Department of Education.
Sigun kenni Villareal, mapili dagiti best fighters manipod kadagiti amin a makisalip iti nasao nga aktibidad.
Maipaayan ti boxing iti pito a bout ranges a 45kg agingga 56kg nga amateur boxing athletes manipud kadagiti nagduduma a gym bayat a iti kickboxing ket ten fights nu sadino, maipaayan iti score a ten ti agballigi ken 9 nga score ti maipaay iti maabak.
Agserbi kas hurado dagiti addaan iti kapadasan iti combative sports kas kenni Pro Mix Martial Arts fighter Eric Kelly, three-time Muay Thai World Champion Brent Velasco ken ni Alan Gonzales.
Sigun kenni Villareal, ti blood line ken genetics dagiti Cordilleran ti maysa a rason a mabigbigbig ti rehion kas kalatakan ken napigsa iti tay-ak iti combative sports.
Nagyaman met ti nasao nga opisial kadagiti nagannak dagiti atleta agsipudta dakkel ti tulong dagitoy nangruna iti disiplina dagiti atleta.
Kabayatanna, manamnama a maipatumpal iti quarterly wenno monthly ti nasao a programa ngem kasapulan a maiwaras kadagiti distrito.
Aw-awagan met ni Villareal dagiti amin a club owners ken coaches a mangbukelda iti alliance tapno adda ti federation dagitoy a mangitakder iti sports ken tapno agkaykaysa ti idiyada ken isingsingasingda para iti pagsayaatan ti combative sports iti rehion.//mp4
