Naduktalan ti umuna a lamok idiay Iceland, a maysa a pagilian a pagaamo kas maysa kadagiti lugar nga awanan ti lamok, sigun iti maysa a researcher.
Inawaganda ti tallo kas Culiseta annulata wenno dua a babai ken maysa a lalaki a lamok a naimatanagn iti 30 a kilometro iti amianan ti Reykjavik iti nasao a pagilian.
Sigun kenni Matthias Alfredsson, maysa nga entomologist manipod iti Natural Science Institute of Iceland, dagiti lamo ket natiliw babaen iti panangusar kadagiti wine ropes, maysa a wagas a maar-aramat tapno maguyugoy dagiti insekto.
Binigbig met dagiti eksperto nga umuna a gundaway a nasarakan dagiti lamok iti kabakiran mismo ti Iceland, numan pay immuna a naipadamag a nasarakan ti Aedes nigripes (maysa nga arctic mosquito species) a lamok ti nairekord a naala manipod iti maysa nga eroplano idiay Keflavik airport sumagmamano a tawen ti napalabas.
Sigun kenni Alfredsson, posible a dagiti lamok ket naiserrek iti pagilian babaen kadagiti barko wenno container.
Innayonna a kasapulan a mamonitor ti nasao a lamok a “tagspring” tapno maammuan ti panagwarasna.
Nupay kasta, patienda a ti panagbalbaliw ti klima ti rason iti isasangpet dagiti lamok idiay Iceland.
