Dinar-ayan dagiti rinibribu a Filipino Catholics ti umuna a simbang gabi a naipatungpal kadagiti nagduduma a simbaan iti pagilian a Pilipinas.
Dadduma pay kadagiti ket nasapa a nagturong kadagiti simbaan tapno saan laeng a maladaw iti misa de gallo.
Sigun iti maysa a churchgoer, panggepda a tinawen dagitoy a makipaset ken kompletuen ti siyam nga aldaw a simbang gabi kaduana dagiti pamilya ken kakabagyanda.
Kabayatanna, nakadeploy metten dagiti agarup 41,000 police officers manipud iti Philippine National Police kadagiti nagduduma a Catholic church kas paset ti Ligtas Paskuhan Deployment Plan para iti Simbang Gabi 2024 wenno Misa de Gallo.
Kagiddan iti dayta, imbinglay met dagiti sumagmamano a vendors iti Puto bumbong ken bibingka kadagiti ruar dagiti simbaan a pimmigsa ti panaglako dagitoy.
Iti agdama, magatang ti puto bumbong iti P40 agingga P85 bayat a ti bibingka ket magatang iti P70.
