Kinissayan ti Budget Amendments Review Subcommittee iti House appropriations committee ti pundo para kadagiti sumagmamano nga items iti sidong ti unprogrammed appropriations iti singasing a P6.793 trillion national budget para iti 2026.
Sigun kenni House appropriations committee chair ken Nueva Ecija 1st District Rep. Mikaela Suansing ti nasao a pundo para kadagiti local infrastructure projects ket saanen nga agtaud manipud iti P80.86 bilion nga alokasion iti sidong ti Strengthening Assistance for Government Infrastructure and Social Programs (SAGIP).
Kinunana a ti SAGIP allocation ken nakissayan iti P45 billion para iti foreign-assisted projects wenno ti Strengthening Assistance for Government Programs (SAGP).
Malaksid iti dayta, inikkatda metlaeng ti P6.7 million para iti public health emergency allowances manipud iti unprogrammed funds.
Impetteng ni Suansing nga insuhestiyon ti Department of Budget Management a maikkat dagitoy agsipud ta nabayadan aminen ita a tawen.
