--Ads--
BAGUIO CITY – Agingga ita ket saan pay laeng a nabigbig ti agruprupsa a bangkay ti lalaki a nasarakan iti rangkis nga addaan kauneg a nasurok kumurang sangagasut a metro sadiay Sitio Samoyao, Ampucao, Itogon, Benguet idi malem kalman.
Ti biktima ket mapattapatta nga agtayag iti 5’2″ ken nakasuot iti brown short jeans, white t-shirt stripe blue ken black, sky blue brief, brown jacket w/ hood ken addaan iti silver bracelet iti kannawan nga imana.
Maibasar met iti eksaminasyon nga impatungpal ni Dr. Hector Sorra manipud iti PNP-SOCO, naamuan nga addaan iti nasal, frontal ken orbital fracture ti biktima.
Iti agdama ket adda pay laeng daytoy iti maysa a punerarya ditoy siudad ti Baguio.
