BAGUIO CITY – Malamlamayanen ti bangkay ti dua a barito a nalmes sadiay Tadian, Mountain Province idi malem kalman, Pebrero 6.
Nabigbig dagitoy a da Flander Bulaglag Tipac ken Wilmar Laguitan Padongay, agpada a 13-anyos ken residente ti Barangay Lenga, Tadian.
Maibasar iti report, nagturong dagiti dua iti Gawaan Lake sadiay Bana-ao, Tadian tapnu aglangoy.
Immuna a nasarakan iti naisayangkat a search and retrieval operation ti bangkay ni Flander ken kalpasan ti uppat nga oras ket nabirukan met ti bangkay ni Wilmar.
Maibasar iti imbestigasyon, sinarungkaran dagiti biktima ken tallo pay a kakadwada ti nasao a dan-aw.
Nupay kasta, kalpasan a pimmanaw ti caretaker, napan nagbangka ti grupo iti dan-aw.
Apaman a narikna dagitoy a mabaliktad ti bangka, limmagto ti tallo kadagitoy iti danaw.
Nupay kasta, maysa laeng kadagitoy ti maka-ammo nga aglangoy.
Dagiti dua a nabati iti bangka ti napan nagkiddaw ti tulong.
