BAGUIO CITY – Naibiahen paawid sadiay Demang, Sagada ti bangkay ti tour guide nga immunan a naiyanod iti uneg ti Victoria Cave sadiay Maduto, Ankileng, Sagada, Mountain Province idi Dominggo.
Nasaripatpatan ti search and rescue team ti bangkay ti biktima a ni Roderick Malecdan, 23 anyos a nakaipit iti bato iti uneg ti danum iti kweba.
Segun iti Mountain Province Disaster Risk Reduction and Management Office, naiyaon ti bangkay ti biktima iti alas-3:22 idi malem kalman ken nairuar manipud iti kweba iti alas-4:40 ti malem.
Nangipatungpal met dagiti panglakayen iti ritual kalpasan a nairuar iti kweba ti bangkay ken idi sakbay daytoy a naisang-at iti kalsada.
Nagtitinnulong dagiti walo a responders manipud Philippine Navy nga impatulod ti Office of Civil Defense Cordillera kabinnadangda ti nasurok 100 a responders ti Provincial DRRMO ken Municipal DRRMO.
Naiturong pay daytoy iti pagagasan para iti postmortem examination tapnu maamuan ti rason ti ipupusay daytoy.
