Dumanonen iti uppat a kaso ti Firework-Related Injury (FWRI) ti naireport manipod idi kalman.
Daytoy ket manipod idi nangrugi ti “tracking” idi Disiembre baente uno, iti agdama a tawen.
Ti kaso ket manipod iti siudad ti Baguio nga addaan ti tallo ken Kalinga nga addaan ti maysa.
Agtawen dagiti biktima ti siam agingga sangapulo ket uppat.
Dua kadagitoy ti agpatpataming iti ospital.
Gapu iti napasamak, nagpalagip manen ti Department of Health-Cordillera iti publiko a saan a pidutin dagiti saan a pimmutok a fireworks babaen laeng ti ima, nu diket alaen dagitoy babaen ti walis tingting ken “dustpan.”
Indagadagda pay ti nasao nga opisina ti dagos a panagkonsulta iti doktor iti kanito a nadangran nga adda pakainaiganna iti paputok gaputa mabalin a makapasar ti maysa nga indibidual ti tenanus ken dadduma pay nga impeksion.
