Naarestar ti uppat nga indibidual pakairamanan ti maysa a lalaki nga agtawen iti 39, awanan trabaho, tubo ken residente ti Camp 4, Tuba, Benguet; 41-anyos a lalaki, driver, ken tubo ti Bauko, Mountain Province; 53-anyos ti Bauko, Mountain Province; ken 49-anyos a lalaki, laborer, tubo ti Bakun, Benguet kalpasan a naaktuan dagitoy nga ag-pus-pusoy idiay Camp 4, Tuba, Benguet.
Naarestar dagitoy gapu iti pananglabsingda iti Presidential Decree 1602 wenno pananglabsing iti Gambling Law.
Amin dagiti suspek ket agpapada a residente ti Camp 4, Tuba, Benguet.
Maibasar iti report ti pulisya, nakaawat dagitoy iti report nga adda ti sumagmamano nga indibidual a mannarimaan nga agsugsugal iti nasao a lugar.
Nagresulta met ti panagresponde dagiti otoridad iti pannakakumpiska iti agarup 52 a piraso a braha, ken P2,300 a naaramat kas pusta.
Nailanad metlaeng iti report dagiti otoridad a nairekomenda ti P30,000.00 a piyansa tunggal indibidual a nakkemeg. //via Bombo Noveh Organo
