Pimmusay dagiti uppat nga indibidaul manipud Luzon ken Visayas gapu iti firecracker-related accidents bayat ti panangpasangbay iti baro a tawen idi laeng kalman.
Karaman kadagiti pimmusay iti daytoy ket ti maysa a 44-anyos a lalaki manipud Dagupan City, Pangasinan no sadino pimmusay daytoy kalpasan a simmabog ti 5-Star firecracker iti asideg ti ulona.
Gapu iti dayta, pakabuklan iti sangapulo ket walo ti biktima gapu iti firecracker-related incidents manipud Disyembre baente.
Nailista met a ti kaubing a pimmusay ket agtawen iti walo a lalaki manipud San Fabian, Pangasinan.
Mainaig iti dayta, pakabuklan met iti 340 a firecracker-related injuries ti nailista manipud Disyembre baente dos agingga idi laeng kalman, 34% a nababbaba daytoy no idilig iti 519 a kaso idi napalabas a tawen 2023.
