Pimmusay ti maysa a masikog a babai kasta met ti tallo a miyembro ti pamilya daytoy kalpasan a nagaburanda iti panagregaay ti daga idiay Batangas nga epekto ni bagyo a Carina ken ti Southwest Monsoon.
Ti masikog a babai a nagaburan ket agtawen iti 27-ayons kasta met a dagiti uubbing ket agtawen iti 16-anyos, 13-anyos ken 9-anyos.
Sigun kadagiti opisyales ti nasao a barangay, naballaagan dagitoy nga agevacuate nu pay daksang gasat gapu ta napasamak ti nasao nga insidente.
Agarup tallo nga oras met a naipatungpal ti retrieval operations sakbayda a nasarakan dagiti bagi dagitoy.
Kabayatanna, impasigurado ti lokal a gobyerno ti Agoncillo, Batangas nga ituloyda ti panangipaevacuate kadagiti residente nga asideg iti Sitio Manalao ti Barangay Subic Ilaya tapno maliklikan ti kapada nga insidente.
