Sumango dagiti uppat nga indibidual iti nagtutuon a kaso pakairamanan ti panaglabsing iti Republic Act 9165 wenno ti Comprehensive Dangerous Drugs Act of 2002 ken ti Republic Act 10591 wenno ti Election Gun.
Daytoy ket kalpasan a naala manipud kadakuada ti maysa a paltog, iligal a droga ken dadduma pay bayat ti checkpoint idiay Sto. Tomas Proper, Baguio City idi kalman.
Dagiti suspek ket tallo a lallaki ken maysa a babai nga agtawen iti 24 manipud Tarlac City; 29-anyos, residente manipud Balacbac Central, Baguio City, 27-anyos manipud Bakakeng Central, Baguio City ken 22-anyos manipud Paraiso, Tarlac City.
Sigun kenni Baguio City Police Office City Director PCol. Ruel Tagel, nangipatungpal ti Baguio City Police Office – Station 10 iti checkpoint gapu iti naawatda nga impormasyon maipapan iti maysa a lugan a pabiahe iti siudad.
Apaman a nakita dagiti pulis ti targetda a lugan ket pinarada daytoy.
Nupay kasta, napaayda a mang-arestar iti targetda nga indibidual gapu ta sabali dagiti nakalugan iti white SUV.
Gapu iti daytoy, pinababa dagiti otoridad dagiti uppat nga indibidual a nakalugan.
Bayat ti panagsukimat dagiti pulis iti uneg ti lugan ket narekoberda ti tallo a transparent plastic sachet a naglaon iti maatap a shabu, marijuana leaves ken seeds.
Malaksid iti dayta, nakumpiskar metlaeng manipud kadagiti suspek ti tallo nga stick ti sigarilyo a maatap a naglaon iti marijuana.
Naala metlaeng manipud kadagiti suspek dagiti sumagmamanu a drug paraphernalia, maysa nga Armscor Caliber 45 a paltog, 22 caliber cartridge, dua a caliber 45 magazine ken 13 a bala ti paltog.
Iti agdama ket naiturong dagiti suspek ken dagiti ebidensia pakairamanan ti white SUV iti Baguio City Police Office Sation 10 para iti umno a dokumentasion ken
