Nasebsebanen ti uram iti maysa nga ancestral house idiay Guisad Barangay a napasamak itay laeng agsapa.
Sigun iti maysa kadagiti agnanaed iti nasao a pagtaengan, nadlawda ti asok alas cuatro y media(4:30) itay agsapa.
Malaksid iti dayta, adda ti maysa a lalaki manipod ruar a nangipukkaw iti mapaspasamak nga uram iti kapada metlaeng nga oras.
Sigun kadagiti nakasarita ti Bombo Radyo a kameng ti Bureau of Fire Protection, naitawag kadakuada ti uram 4:52 itay agsapa.
Dagus met dagitoy a nakaresponde kadwa dagiti kameng ti pulisya rason a saanen a nagramaram pay ti uram iti daduma a paset ti nasao a pagtaengan nu sadino, ti laeng ground floor daytoy ti naapektaran.
Naideklara ti fire out 5:18 itay metlaeng agsapa.
Kabayatanna, nakaruar met a dagus dagiti pito nga indibidwal nga agnanaed iti maikadua a kadsaaran ti nasao nga ancestral house ken awan ti nadangran kadakuada.
manariman paylaeng met ti imbestigasyon dagiti bumbero tapno maduktalan ti rason wenno nagtaudan ti nasao nga uram.//Bombo Jez Lapizar
