Binisita ni US Defense Secretary Lloyd Austin III ti ship repair facilities idiay Subic Bay, Zambales idi kalman tapno siguradoenna ti kapasidad daytoy a mang-akomodar kadagiti barko ti US Navy kasta met dagiti daduma a pagilian.
Ni Austin ket adda iti pagilian para iti maikapat a Philippines-US Foreign and Defense Ministerial Dialogue (2+2 Dialogue) nu sadino ti Pilipinas ti host iti kaunaan a gundaway.
Iti panagbisita ni Austin, makitkita ti posibildad nga umado dagiti US warships iti West Philippine Sea.
Sigun kenni Austin, magagaran daytoy para iti panakamodernize ti military ti pagilian.
Paset ti panakaipaay ti $500 million iti foreign military aid iti Armed Forces of the Philippines (AFP) Modernization Program ket ti panakakita a dagiti military equipment ket maitunos iti joint military operations.
Kabayatanna, nakisinnarak met ni Austin kadagiti opisyales dagiti kompanya a nang-ala iti Hanjin shipyard.
