Nakasangpeten ti United States President Donald Trump iti pagilian a Pilipinas itay malem tapno dumar-ay iti maika-49 nga Association of Southeast Asian Nations (ASEAN) Summit and Related Summits.
Nakasangpet ti Air Force One a nagluganan ni Trumo ken delegadona idiay Ninoy Aquino International Airport (NAIA) alas 5:33 ti malem ita nga aldaw.
Sinangaili met daytoy da House Majority Leader and presidential son Sandro Marcos, Executive Secretary Ralph Recto, Philippine Ambassador to Washington Jose Manuel Romualdez, US Ambassador to the Philippines Lee Lipton, ken Pasay City Mayor Imelda Calixto-Rubiano.
Kadua Trump iti panagbisitana iti Pilipinas ni US Secretary of State Marco Rubio ken Treasury Secretary Scott Bessent.
Apaman a nakasangpet daytoy, dagos a nangipatungpal ni Trump iti panagtaripnong kadagiti miyembro iti QUAD (Quadrilateral Security Dialogue) a nakairamanan da Japanese Prime Minister Sanae Takaichi, Australian Prime Minister Anthony Albanese ken Indian Prime Minister Narendra Modi.





