Opisyal a mangipatulod ti Pilipinas kenni United States President Donald Trump ti imbitasyon iti maangay nga Association of Southeast Asian (ASEAN) Summit ditoy pagilian.
Sigun kenni Philippine Ambassador to the United States Babe Romualdez, immunan nga impakaamo ni President Ferdinand “Bongbong” Marcos, Jr. ti imbitasyon kenni President Donald Trump iti personal kabayatan iti panagkita dagitoy iti Oval Office idi napalabas a tawen ken impanamnama n Trump ti presenyana iti nasao a panagtitipon.
Nupay kasta, kasapulan latta a mangipatulod ti pormal nga imbitasyon.
Sigun pay iti Philippine Ambassador, saan laeng a Pilipinas ti mang-imbita kenni Trump gapu ta nakalukat dagiti amin a miyembro ti ASEAN Busines Council a mang-imbitar kenni President Trump. // Bombo Karen Calpoe Sapirao
