Impeksa ni US President Joe Biden a “committed” daytoy nga agtalinaed iti 2024 presidential race ti Estados Unidos a mapasamak inton Nobyembre 5, 2024.
“I am not going anywhere”
US President Joe Biden
Daytoy ket kagiddan a sumagmamano a House of Representatives Democrats ti nangkiddaw kenni Biden nga ag-withdraw iti panagtarayna iti kina-presidente agsipud ta saan a nasayaat ti nagbalin a performancena iti naangay a June 27 debate kontra kenni sigud a President Donald Trump.
Saan a mailibak dagiti Democratic lawmakers nga agbalbalin a pakaseknanda ti nababa nga approval ratings ni Biden kasta met ti edad daytoy ken ti abilidadna a mangidaulo iti nasao a pagilian.
Gapu iti dayta, posible a ni Vice President Kamala Harris ti agbalin a successor ni Biden kaspangaringan agwithdraw daytoy.
Nu pay kasta, kinuna ni Biden nga nga ammona dagiti pakaseknanda ngem impeksana a maysa laeng ti panggep dagitoy, ti panang-abak kenni Donald Trump.
“We have one job. And that is to beat Donald Trump.”
US President Joe Biden
Kabayatanna, manamnama ti panagbisita ni Biden kadagiti simbaan, union halls ken daduma pay a venues para iti kampanyana.
Immuna met a binisitana ti Pennsylvania idi Domingo, ti mabigbigbig a battleground state a kadawyan a mangdesdesisyon iti eleksyon.
