Impeksa iti maysa nga opisial iti Estados Unidos a saan a naragsakan ni US President Donald Trump iti singasing nga insubmitir iti Iran gaputa saanna a risuten ti isyu iti nuclear program.
Tinalantan ni Trump ti singasing kadua ti national security advisers daytoy, bayat nga agtaltalinaed a “deadlock” ti tension iti nagbaetan iti Estados Unidos ken Iran ken naapektaran iti suplay iti enerhiya iti rehion.
Sigun kadagiti source manipod idiay Iran, kayat paylaeng nga itantan ti maipapan iti nuclear program agingga a malpas ti tension ken marisut ti isyu iti shipping idiay Gulf—maysa nga addang a saan a pinaboran wenno immanugot iti Washington, a nangipaganetget a rumbeng a dagos daytoy a mapagsaritaan.
Agtultuloy met ti panagregget iti Pakistan a pag-asidegen ti dua a benneg, numan pay nakessayan ti namnama ti maipapan iti wayawaya kalpasan a kinanselar ni US President Trump ti plano a panagbisita ti envoy-na a ni Steve Witkoff ken ti manugangna a ni Jared Kushner idiay Islamabad.
