BAGUIO CITY – Ilukat ti Baguio dagiti vaccination sites daytoy kadagiti umili ti La Trinidad, Itogon, Sablan, Tuba and Tublay wenno LISTT nga agtatrabaho ditoy siudad.
Sigun kenni Mayor Benjamin Magalong, babaen iti daytoy ket matulongan ti siudad dagiti kaaruba daytoy a munisipyo ti Benguet, partikular iti vaccination program.
Kinunana nga apaman nga adun ti mabakunaanda a residente ti LISTT nga agtatrabaho ditoy siudad ket sumaruno dagiti miembro ti pamilya dagitoy.
Innayonna nga impatulodnan ti mensahe kadagiti maseknan a mayor iti Benguet mainaig iti nasao a tulong nga ipaay ti siudad.
Dinakamatna pay a maymaysa a komunidad ti BLISTT ken adayo nga addaan ti Baguio iti kapabilidad a maka-ala ti kanayonan a bakuna a maaramat iti agdama a vaccination program ti gobyerno kontra iti COVID-19.
