Dumanonen ti 46 a vehicular traffic accidents iti siudad iti Baguio ti nailista dagiti kameng iti Baguio City Police Office sipud January 1 agingga iti January 14, 2025.
Iti panakiuman iti Bombo Radyo kenni Police Major Marcy Marron, Spokesperson iti Baguio City Police Office, kaadwan kadagiti nailista a kaso ket reckless imprudence resulting in damage to property a buklen iti 35.
Sarunwen met daytoy ti reckless imprudence resulting in physical injuries a buklen iti 8 bayat a maikatlo ti reckless imprudence resulting in Homicide nga addaan iti 3 a kaso.
Dagiti aksidente ket kadawyan a pakairamramanan dagiti metlaeng residente iti Baguio City kasta met dagiti nagtaud kadagiti kabangibang a munsipyo.
Tapno maliklikan ti panakanayon dagiti mapaspasamak nga aksidente, nangimuntar dagiti kameng iti pulisya iti checkpoints kadagiti sumagmamano a crime prone ken traffic areas nangruna kadagiti entry ken exit points iti siudad ken iti Central Business District malaksid pay kadagiti Comelec checkpoints.//Bombo Noveh Organo
