Agbirbirok ita iti venue ti Department of Education- Baguio nga pakaangayan ti umadanin a Palarong Panglungsod kalpasan a nairikep ti Baguio Athletic Complex para iti rehabilasyon daytoy.
Iti pannakiuman ti Bombo Radyo ken ni Nino M. Tibangay, Chief Education Supervisor ti DepEd-Baguio, kinunana a napagnunumuanda nga agrequest idiay Benguet Sports Complex idiay Wangal, La Trinidad nu mabalinda nga usaren ti nasao a pasilidad para iti athletics, “bat and ball games”, ken swimming competition.
Inlawlawagna a saan nga aggigiddan ken agsasaruno nga aldaw ti pammay-anda kadagiti nadumaduma nga sport events.
Daytoy ket gapu iti kinakurang dagiti pasilidad nga usarenda ken tapno saan nga aggigiddan a ma-pull-out dagiti manursuro kadagiti pagadalan.
Impeteng pay ni Tibangay ti “no disruption of classes” kabayatan ti Palarong Panglungsod, isu’t gapuna a posible nga itudingda dagiti ay-ayam iti Sabado, Domingo, ken Holidays.
Inlawlawag na pay nga awan pay laeng ti eksakto a petsa dagiti individual sporst events ngem mangipaulogdanto iti iskediul dagitoy.
Opisyal a maiyuswat ti nasao a City Meet inton Nobyembre 21 ken aglepas met inton Disyembre 13.| via Bombo Karen Sapirao
