Impetteng ni Vice President Sara Duterte a nadalus ti rekordna ken lehitimo ti nagtaudan ti kinabaknangna kasaruno ti alegasyon ni sigud a senador Antonio Trillanes IV nga immawat daytoy ken ti pamilyana iti P181 million manipud iti maysa a mapapati a drug lord.
Sigun kenni Vice President Duterte, nabayagen nga ibagbaga ni Trillanes daytoy nga akusasyonna ken ita ket mapapati a supsuportaran ni President Ferdinand Marcos Jr. ken dagiti dadduma nga ahensya ti gobyerno, pakairamanan ti Anti-Money Laundering Council.
Kabayatanna, kinumpirmar ti Anti-Money Laundering Council nga adda ti 18 a bank transactions a sakto kadagiti report a “covered” ken “suspicious,” kas maibasar iti affidavit ni Trillanes a nangidetalye metlaeng iti maatap panaggugudwa iti kwarta ti pamilya Duterte.
