Inaklon ni Vice President Sara Duterte a bassit ti posibilidad a makasubli iti pagilian a Pilipinas ni sigud a President Rodrigo Duterte kalpasan a naiturong daytoy sadiay The Hague, Netherlands para iti panagsangona iti kaso daytoy a crime against humanity.
Sigun kenni Vice President Duterte, awan serbina no ag-harbor daytoy kalpasan ti pakaarestar ti amana ken makitkitana a saanen a makasubli daytoy iti pagilian.
“Hindi na siya maibabalik. Hindi na mababalik si Pangulong Duterte sa Pilipinas.”
Vice President Sara Duterte
Kinuna ti bise presidente nga awan ti marikriknana, saan daytoy nga agun-unget kasta met a saan a disappointed.
Kiddawna met iti publiko nga agmove on dagitoy iti napasamak gapu ta uray masair ti rikna ti maysa nga indibidual iti panakaarestar ti amana ket awan met ti maaramidan ti gobyerno.
Nupay kasta, iti laksid a bassit ti posibilidad a makaawid ni sigud a president Duterte ket ar-aramiden amin ti kampo ni Sara dagiti addang para iti panakaisubli daytoy iti pagilian.
Iti sabali a bangir, impakaamo ni Sara a tarigagay pay laeeng ti amana nga agserbi kas mayor sadiay Davao City.
