--Ads--
Inladawan ni Baguio City Mayor Benjamin Magalong a ni Vince Dizon ti “the best choice” nga agtugaw kas dadaulo iti Department of Public Works and Highways (DPWH).
Sigun kenni Mayor Magalong, am-ammona ni Dizon nu sadino sigun kenkuana ket ipapati daytoy a tungpalen dagiti banag a kayatna a mapasamak.
Innayon ti mayor a naibinglay kenkuana ni Dizon a komited daytoy nga ipaayan iti pagbaliwan iti DPWH ken sukimatenna a nalaing agingga iti ramut dagiti mapaspasamak nga anomalya.
Maipalagip nga idi laeng kalman ket naangay ti turn-over ceremony iti sekretarya iti DPWH kasaruno ti panaglususlos ti sigud a sekretarya daytoy a ni Manuel Bonoan idi laeng September 1.//Bombo News team
