--Ads--
Plano ti Commission on Elections (Comelec) nga iproseso ti voter registration dagiti botante iti electronic wenno online iti sumaruno nga Eleksion ti Barangay and Sangguniang Kabataan (BSKE) inton Oktubre no maiyakar ti panagbutos iti Nobiembre 2026.
Sigun kenni Comelec Chairperson George Erwin Garcia, panggepda ti komportable a voting experience.
Daytoy ti kinuna ti nasao nga opisial, kalpasan a sumagmamano nga aplikante idi August 1-10 voter’s registration period ti natalimudaw gapu iti bannog.
Impeksa ni Garcia nga addan ti online registration ti Comelec.
Nupay kasta, kasapulan a mapasayaat ti implementasion daytoy.
Inlawlawagna a kasapulan metlaeng a personal nga agturong kadagiti local Comelec para iti biometrics dagiti agparehistro.
