Maur-uray paylaeng dagiti Voter’s information sheet para iti siudad ti Baguio nga agbalin a basaran dagiti botante iti umadanin a 2025 National ken local elections.
Iti panakiuman ti Bombo Radyo kenni Atty. John Paul Martin, Election Officer ti Commission on Elections-Baguio, mangnamnama daytoy a dagus a maited kadagitoy dagiti Voter’s information sheet manipud Metro Manila tapno dagusda a maiwaras met daytoy kadagiti botante.
Sigun kenni Atty. Martin, uppat a panid ti Voter’s information sheet no sadino iti umuna a panid ket maipapan iti information ti botanta kas iti nagan, address, precinct ken dagiti steps iti panabgotos.
Iti maikadua a panid ket maipapan iti wagas ti panagbotos no sadino nasken ti panagshade laeng.
Iti maikatlo ken maikapat a panid ket nilaon daytoy dagiti nagan dagiti kandidato manipud senator agingga dagiti agtartaray iti konsehal kasta met dagiti partylist.
Nupay kasta, iti maikatlo ken maikapat a panid ket nagduduma ti nilaon daytoy kadagiti munisipyo gapu ta nagsisinabali ti agtartaray kadagiti lokal a posisyon.
Kinuna ni Atty. Martin nga iti kanito a maited kadagitoy dagiti Voter’s information sheet ket posible a kiddawen ti poll body iti siudad ti tulong dagiti barangay officials kasta met ti Philippine National Police.
