Binabalaw ni Vice President Sara Duterte ti estado ti journalism iti pagilian a Pilipinas. Imbinglayna daytoy kabayatan iti panagbisitana kenni sigud a President Rodrigo Duterte idiay The Hague.
Sigun iti bise presidente, adayo ti kalidad ti journalism ti Pilipinas nu idilig iti international media.
Sigun pay kenkuana, naururnos ti pamay-an ti international media iti panangsarak ken panangiwaragawag kadagiti damdamag.
Daytoy ti nagbalin a sungbatna apaman a nadamag seknan iti panangala iti sumagmamano a media outlet iti statement na nga awan ti umno a konteksto na. Sigun kenkuana, mangitunda daytoy iti negatibo nga impresyon kenkuana ken iti pamilyana.
Impetteng pay daytoy a saan a rumbeng a kwarta ti kangrunaan a rason ti panangiwaragawag iti damag tapno maaddaan iti pudno a panagbaliw iti pagilian.
Kinuna metlaeng a dakel a tulong ita ti social media gapu ta mangipapaay daytoy iti gundaway iti publiko a makita dagiti nagduduma a perspektibo. //bombokaren.c.sapirao
