--Ads--
Inakusaran ni Vice President Sara Duterte ti administrasion ni President Ferdinand Marcos Jr. nga ar-aramatenda ti alegasion seknan kadagiti business ventures a pinunduan ti China ken ti drug bust sadiay Laos tapno mapaikkat iti pwesto.
Iti statement ti bise presidente idi kalman, pinaglibakanna dagiti alegasyon ken inawaganna a “fabricated” wenno saan a podno ti maatap a travel authority daytoy sadiay Laos.
Kasaruno daytoy iti panagwaras dagiti dokumento a maatap a nagturong ti bise presidente sadiay.
Immunan nga ilawlawag ti DILG nga awan ti paneknek nga adda ti koneksyon ti pamilya Duterte iti nasao a drug bust.
Kabayatanna, ginuyuguy ti bise presidente ti gobierno nga agtrabaho imbes nga mangpolitika.
