Inimbitaran ti House committee on justice ni Vice President Sara Duterte a dumar-ay iti hearing inton Marso 25 seknan iti impeachment complaints a naipila kontra kenkuana.
Iti dua nga impeachment complaints, naakusaran ti bise presidente iti betrayal of public trust, culpable violation of the Constitution ken dadduma pay gapu iti maatap a saan nga umno a pannangbusbosna iti P612.5 million a confidential fund, panangpangtana a patayenna ni President Ferdinand Marcos, Jr. ken ti pamilyana ken ti maatap a saan a mailawlawag a kinabaknangna.
Ti imbitasyon ket impatulod ni House justice panel chair and Batangas Second District Rep. Gerville Luistro.
Immunan a kinuna ti House justice panel a dagiti dua nga impeachment complaints a naipila kontra kenni Vice President Duterte ket sufficient in form, substance, and grounds.
Iti agdama ket awan pay ti kumpirmasyon manipud iti opisina ti bise presidente nu dumar-ay daytoy iti nasao a petsa.
