--Ads--
Kidkiddawen ni Vice President Sara Duterte a maibasura ti reklamo nga impeachment a naipila kontra kenkuana.
Iti naisubmitir a tallo pulo ket lima a panid a sungbat ni Vice President Sara iti summon ti Senado, kinunana a saan a balido ti maikapat nga impeachment complaints.
Patienna a panaglabsing daytoy iti One-Year Ban Rule iti sidong ti Article XI (14) ti 1987 Constitution.
Dagiti laeng representatives ti abogado ti Bise Presidente manipod iti Fortun , Narvasa and Salazar Law Firm ti nangisubmitir ti sungbat iti Senado idi kalman ti malem.
