Impeksa ni Vice President Sara Duterte a nakasagana daytoy a maipasidung iti lie detector test wenno polygraph test.
Kasaruno daytoy iti panangkarit kenkuana ni Gracioso nga agpa lie detector test.
Sigun kenni VP Sara, awan anyamanna kenkuana ti lie detector test lakitdi maiparang nga umuna iti publiko ti resulta ti test ni Gracioso.
Impetteng daytoy a ni laeng Gracioso ti mangidekdeklara a pimmasa daytoy iti nasao a test isu’t gapunna a kasapulan nga umuna a maiparang iti publiko ti resulta daytoy.
Inlawlawag metlaeng ti bise presidente a saan a dagos a rumuar ti resulta ti lie detector test gapu ta kasapulan pay daytoy a basaen dagiti eksperto.
Maipalagip a naipasidung iti lie detector test ni Gracioso idiay idiay National Bureau of Investigation (NBI) idi Setyembre 30.
Ti nasao a test ket tapno matingiting ti panangisawangna iti akusasyon a nangitulod daytoy iti maleta a naglaon iti kuarta kenni VP Sara Duterte.
