--Ads--
Nakasublin ni Vice President Sara Duterte iti Pilipinas idi kalman ti rabii kalpasan ti dandani maysa a bulan a panagyanna idiay Netherlands, nu sadinno tinulunganna ti tatangna a ni sigud President Rodrigo Duterte, a mangisagana iti kasona iti International Criminal Court (ICC).
Nakadanon iti Pilipinas ni Vice President Sara iti oras ti 9:56 ti rabii babaen ti Emirates Airlines flight no. EK 334.
Maipalagip a nagturong ti bise president idiay Netherlends idi Marso a dose, maysa nga aldaw kalpasan a ni tatangna ket naiturong a dagos iti nasao a lugar iti sidong ti arrest warrant manipod iti International Criminal Court.
