Imbutaktak ti kampo ni VP Sara Duterte ita nga aldaw a saan daytoy a makipaset iti naituding a conference ti National Bureau of Investigation (NBI) inton Oktobre 5 seknan iti alegasyon ti sigud a pulis a ni Rodulfo Gracioso Jr.
Kinnidaw metlaeng ti kampo ti bise presidente ti kopya iti affidavit ni Gracioso ken umdas a panawen tapno adalen daytoy.
Immunan a nagtestigo ni Gracioso, a nagbalin a paset iti security detail ni sigud a House Speaker Lord Allan Velasco, no sadino impeksana a karaman daytoy kadagiti nangitulod kadagiti maleta a naglaon kadagiti cash kenni VP Sara Duterte, sigud a President Rodrigo Duterte, Davao City 1st District Representative Paolo “Pulong” Duterte iti sidung ti pammalin ni Velasco.
Sigun pay kenni Gracioso, mapatta-patta a dumanonen iti agarup P2 Billion ti naideliverna kenni VP Sara.
Mannarimaan metten ti imbestigasyon ti NBI kadagiti nasao nga akusasyon.
Impetteng ni NBI Director Matibag nga inimbitaranda ni VP Sara, Pulong Duterte, Velasco, ken asawa ni Velasco tapno maala ti bennegda seknan iti nasao nga alegasyon.
Nupay kasta, nainget a pinaglibakan ni VP Sara dagiti alegasyon ken impettengna a saanna nga am-ammo ni Gracioso.
