Impetteng ti Malacañang a saan a nagkamali ni President Ferdinand Marcos, Jr. iti immunan nga impakaammona a nadetain ti sigud a mammanday-linteg a ni Zaldy Co idi adda daytoy idiay Czech Republic.
Sigun kenni Undersecretary Claire Castro, kinumpirmar ni Eva Tenzin, Chargé d’Affaires ti Embassy of the Czech Republic iti panagtataripnongda kenni President Marcos, Jr. a naipasidung ni Zaldy Co iti kustodiya dagiti otoridad idi adda daytoy idiay Czech Republic gapu iti ‘invalid travel documents’.
Maipalagip a naaddaan ti panagsarita iti nagbaetan ni President Ferdinand Marcos, Jr. , Eva Tenzin, Chargé d’Affaires ti Embassy of the Czech Republic , ken French Ambassador Marie Fontanel no sadino inyebkas ti presidente ti pannakadismayana iti napasamak iti kaso ni Zaldy Co.
Nupay kasta, impanamnama ti presidente nga aramidenda ti anyaman a legal ken diplomatiko a pamay-an tapno maiyawid ni Zaldy Co iti pagilian. //bombokaren.c.s.
