Napadayawan ti walo a munisipyo iti probinsya ti Benguet bayat ti kallepas a grand canao idiay Benguet Sports Complex gapu iti pananggun-od dagitoy iti Seal of Good Local Governance.
Maragsakan ti lokal a gobyerno iti nasao a probinsya gapu iti pammadayaw a nagun-od dagitoy kalpasan iti tallo a tawen a saan a nakaawat dagiti munisipyo iti Benguet iti Seal of Good Local Governance.
Nakaawat dagitoy iti sag- P20, 000 ken plaque of recognition manipud iti lokal a gobyerno iti probinsya ti Benguet.
Dagiti nasao a munisipyo ket pakairamanan ti Bokod, Bugias, Kapangan, Kibungan, La Trinidad, Sablan, Tuba, ken Tublay.
Buklen daytoy iti 61.54 a porsyento iti amin a municipal local government iti probinsya ti Benguet nu sadino, daytoy ti addaan iti kadakelan a bilang ti national Seal of Good Local Governance passers iti intero a rehiyon ti Cordillera.
Pinadayawan ti Department of the Interior and Local Government dagiti nasao a munisipyo gapu iti panang mintinirda iti good governance iti laksid ti karit a naipaay kadakuada.
Nagun-od dagiti nasao a munisipio iti pammadayaw kalpasan a nakualipikado ken nakapasa dagitoy iti pagbasaran kas iti Financial administration and sustainability, Disaster preparedness, Safety, peace, and order, Social protection and sensitivity, Business-friendliness and competitiveness, Environmental management, Health compliance and responsiveness, Sustainable education, Tourism, heritage development, culture and arts ken youth development kas maibasar iti Department of Interior and Local Government.//Bombo Gen
