Dumanon ti walo nga indibidual ti agbalin nga scholar ita a Hotel Restaurant and Tourism Month.
Dagitoy ket naipablaak kabayatan ti kapihan ti 18th Hotel, Restaurant and Tourism Month a naipatungpal iti Baguio Country Club.
Sigun kenni Anthony de leon -General Manager ti Baguio Country Club dagiti scholar ket nagtaud manipud kadagiti nagduma nga unibersidad.
Daytoy ket pakairamanan ti Bachelor of Science in Biotechnology College ; Baguio Central University; Benguet State University; Cordillera Career Development College; Kings College of the Philippines; Philippine Institute of Culinary Arts ; University of Baguio ken ti University of Cordillera.
Inlawlawag ni De Leon a sag-maysa ti naala manipud kadagiti nadakamat nga unibersidad ken dagiti napili ket pinili dagiti instructor wenno dagiti head .
Daytoy ket tinawen no sadino ket dagiti qualifications para ti nasao nga scholarship ket kasapulan iti kurso a mainaig ti Hotel and Restaurant Management.
Maipalagip a daytoy ti maikadwa a batch no sadino ket idi napalabas a tawen sangapulo dagiti immuna a batch a nagbalin nga scholar.
Mainaig iti dayta, naipa-am-ammuo metten dagiti kandidata para ti Mr and Ms hrab 2025 no sadino ket dagitoy ket nagtaud manipud ti Baguio City, Benguet, Pangasinan, La Union ken Tarlac City.//Bombo Noveh Organo
