BAGUIO CITY – Nasarakan dagiti kameng ti 50th Infantry Battalion ti Philippine Army ti naikali a maysa a plastic bag a naglaon kadagiti war materials sadiay Sitio Anyang, Barangay Wagud, Pinukpuk, Kalinga.
Naglaon ti nasao a supot iti lower receiver ti M16 rifle, barrel ken magazine ti paltog, ken lima a metro ti electrical wire.
Sigun kenni Lt. Col Gulliver Siñeres, Commanding Officer ti 50th IB, posible a dagiti nasao a war materials ket inkali dagiti rebelde sakbay a dimmar-ay dagitoy iti pannakaitabon ni Rudy Miguel a maysa a kameng ti rebelde a grupo a pimmusay iti engkuentro idi Mayo 13 sadiay Balbalan, Kalinga.
Maipalagip a nasarakan met laeng ti 50th IB sadiay Pinukpuk, Kalinga idi April 29 ti naikali a drum a naglaon iti nagduduma a war materials.
