Impetteng ti Department of Foreign Affairs a ti panangbisita kadagiti pilipino a naibalud sadiay ballasiw taaw kas kenni sigud a President Rodrigo Duterte ket paset ti trabaho dagiti amin a Philippine Foreign Service Posts.
Kinunada daytoy kalpasan ti impetteng ni Vice President Sara Duterte a “sham welfare check” ti panagbisita dagiti opisyales iti Pilipinas iti amana a ni sigud a President Duterte iti detention facility iti International Criminal Court (ICC) sadiay The Hague.
Sigun iti nasao nga ahensya, nagbisita dagiti opisyal manipud iti Philippine Embassy sadiay The Hague tapno mangipatungpal iti welfare check.
Daytoy ket maitunos iti functions iti sidong ti Vienna Convention on Consular Relations and relevant Philippine laws a mangprotektor kadagiti amin a Pilipino.
Inyunay-unayda pay nga awan ti nagdumaanna daytoy iti ar-aramidenda kadagiti dadduma a Pilipino a nakabalud iti ballasiw taaw.
