La Trinidad, Benguet- Nakasaganan nga ipaaramat ti Benguet dagiti maipanpannakel a pasilidad ti probinsya para iti naituding a panagsangaili dagitoy iti 2025 Cordillera Administrative Region Athletic Association (CARAA) meet a maisayangkat intun Pebrero.
Dagiti multi million sports facilities ken babaen iti panagregget ni Cong. Eric Go Yap tapno mapadur-as ti Wangal Sports Complex a masarakan idiay, La Trinidad, Benguet.
Immunan nga inkari ni Cong. Yap a maisambot a maileppas ti Olympic Standard Aquatic Center para kadagiti swimming competitions.
Ti nasao a pasilidad ket makabilan iti heaters, athletes quarters, shower rooms ken dadduma pay a moderno a kagawaan kas iti touch pads.
Malaksid iti dayta ket maaramaten ti track oval para kadagiti athletic events kas iti running ken throwing.
Immuna metten a napabaro ken napapintas ti Benguet Sports Complex Gymnasuim nu sadino napabaro ti basketball court, tugawan, sound system, namuntaran iti LED walls ken digital score board.// Bombo Jordan Tablac
