Manamnama a tumabuno dagiti world leaders a kas kenni United States President Donald Trump ken Ukrainian President Volodymyr Zelensky tapno raemen ti Catholic leader.
Namnamaen dagiti opisial ti Vatican ti panagadu dagiti tattao nga agturong idiay Vatican.
Ti lungon ni Pope Francis–nga immunan nga imbilinna a kasapulan a kayo ken “zinc”–ket maiturong iti uneg ti simbaan ken manipod sadiay, maiturong iti Roma basilica ti Santa Maria Maggiore tapno maitabon.
Kabayatanna, ti bangkay ti Papa ket naalaan ti ladawan bayat ti misa idi rabii ti Lunes iti kapilia ti Casa Santa Marta, ti pagtaengan ti Vatican a nagnaedanna bayat ti 12 a tawen a kinapapana, ken natayanna.
Nakakawes ni Pope Francis ti nalabbaga a papal vestments, adda miter iti ulona ken adda rosario iti nagbaetan dagiti ramayna.
