Imbilin ti Land Transportation Office a nasken nga isurrender ni Yanna,ti vlogger a naidawit iti road rage sadiay Zambales itay napalabas ti driver’s licensena kasta met a rumbeng a dumar-ay iti sumaruno a hearing.
Sigun kenni Land Transportation Office Chief, Assistant Secretary Atty. Vigor Mendoza II, naipaayan ni Yanna iti 90-day preventive suspension iti lisensyana kas paset ti manarimaan nga imbestigasyon iti nasao a road rage.
Ngem, gapu iti saanna a panakipaset iti naangay a hearing idi Mayo sais iti agdama a tawen ket nabilin nga isurrenderna ti driver’s license daytoy agingga inton Mayo a otso.
Malaksid iti dayta ket nasken nga iparangna ti motorsiklona iti sumaruno a hearing.
Kabayatanna, inlawlawag ti abogado ni Yanna a saan daytoy a nakipaset iti hearing gapu kadagiti pangta a maaw-awatna.
Immunan met nagkiddaw iti pasensya ti vlogger iti Land Transportation Office ken iti driver kasta met ti pamilya ti pick-up a karaman iti road rage itay nabiit.
